BC3k egokitzapen-misioari laguntzen dio citiES 2030 plataformarekin lankidetzan
Irailaren 25ean, BC3k Egokitzeko Misioaren irismenari eta hirien Misioarekin integratzeko aukerari buruzko saio batean parte hartu zuen. Jarduera hau Trantsizio Ekologikorako eta Erronka Demografikorako Ministerioak (MITECO) bultzatutako citiES 2030 plataformarekin, Biodibertsitate Fundazioaren bitartez, elkarlanean egin da.
Gosariak Egokitzeko Misioaren helburuak, irismena eta laguntza-mekanismoak landu zituen, baita bi Misioak modu integratuan bultzatzearen onurak ere.
Ekitaldian zehar elkarrizketa irekia butzatu zen ere, eta bereziki, bi Misioei atxikitako bi hiriren esperientzia nabarmendu zen: Gazteiz eta Valentzia.
BC3tik Maria José Sanz zuzendari zientifikoak eta Estibaliz Sanz ikertzaileak parte hartu zuten. María Josék zentroaren zeregina azaldu zuen, nazio mailako egokitzapen-misioaren bideratzaile gisa, eta Esibaliz Sanzek saioaren dinamizatzaile gisa. Lydia Gonzálezek (Horizonte Europa Egokitzapen Misioko ordezkaria eta Harremanetarako Gune Nazionala) eta José Segarrak (Mission Board for Adaptation taldeko kidea) egokitzapen-misioaren irismena eta garapen-mekanismoak azaldu zituzten.
Francisco Herasek (Klima Aldaketaren Espainiako Bulegoko kontseilari teknikoa) Misioaren helburuei aurre egiteko Estatuko esparru estrategikoa landu zuen.
Azkenik, elkarrizketa ireki bat sortu zen parte-hartzaileen artean bi misioen baterako bultzadari buruz, eta alderdi horiek sakondu ahal izan ziren. Emilio Servera (Valentziako Udaleko València Clima y Energiako Europako Proiektuen teknikaria) eta Beatriz García-Moncó (Gasteizko Udaleko Misioen koordinatzailea) izan ziren parte-hartzaileak.
Ekitaldi hori berpizteko eta plataformari eta haren helburuei buruz gehiago jakiteko, CitiES 2030 gosariaren saio osoa ikus daiteke, eta infografia zehatz bat aztertu, haren laburpen gisa.
“Ekitaldi honek aukera eman digu egokitzeko misioaren helburuetan eta irismenean sakontzeko eta bi misioak modu integratuan bultzatzearen garrantzia egiaztatzeko” (Estibaliz Sanz, BC3ko ikertzailea).