Mikel González-Eguino BC3ko ikerlariak Ikerbasque Research Professor lortu du bere ibilbide zientifiko nabarmenagatik. González-Eguinoren ikerketaren helburua karbono gutxiko ekonomia jasangarri baterako trantsizioa bizkortzeko eta justizia soziala sustatzeko erabakiak hartzea da. González-Eguinok erakunde publiko, enpresa eta GKEetako arduradunekin batera lan egiten du, baita beste diziplina batzuetako zientzialariekin ere, gizartearen beharretara egokitutako ezagutzak eta irtenbideak sortzeko.

Gaur egun, BC3k Ikerbasqueko 17 ikertzaile ditu, hiru kategoriatan banatuta: 8 Research Professor, 5 Research Fellow eta 4 Research Associate.

Ikerbasqueri buruz

Ikerbasque, Zientziarako Euskal Fundazioa, 2007an bultzatu zuen Eusko Jaurlaritzako Hezkuntza Sailak, Euskal Autonomia Erkidegoko administrazioek, unibertsitateek eta enpresek aspaldidanik egiten duten ikerketa zientifikoa indartzeko. 15 urte hauetan, Ikerbasquek talentu ikertzailearen aldeko apustua egin du politika zientifikoaren funtsezko ardatz gisa, mundu osoko ikertzaileak erakarriz, beren karreraren uneren batean Euskal Herritik alde egin zutenak barne, eta Euskadiko zentroetan zeuden pertsonei beren karrerak sendotzeko aukerak eskainiz.