Mikel Gonzalez-Eguino, BC3 Basque Centre for Climate Change – Klima Aldaketa Ikergaiko ikertzaileak parte hartu du ‘Renovables Responsables’ izeneko jardunaldian, Jose Manuel Serrarekin, CSICeko ikertzaile eta liburu zurian berriztagarrien arloko arduradunarekin, Antonio Calvorekin, Espainiako Sare Elektrikoaren Iraunkortasuneko zuzendariarekin eta Raquel Paulerekin, Fundazioko zuzendariarekin batera. Biodibertsitatea eta epe luzerako deskarbonizazioa  izan da ardatz mahai-inguruan, David Howell SEO/BirdLifeko klimaren arduradunak moderatuta.

Mahai-inguru hau biodibertsitatearen kontserbazioaren eta berriztagarrien beharrezko hedapenaren arteko bateragarritasuna bermatuko duten konponbideak eraikitzeko foroaren parte da. Hori guztia, Parisko Akordioan eta, epe laburrean, 2021-2030 Energia eta Klimaren Plan Nazional Integratuak (PNIEC) ezartzen duen plangintzarekin bat etorriz. Kazetaritza-teknikaren zazpi galdera klasikoak erabiliz (zer, nor, nola, zergatik, non, noiz eta zenbat), sektorearen, erakunde publikoen eta gizarte zibilaren arteko lehen topaketa hau une honetan argibide gehiago behar dituzten galderetara bideratuko da, hurrengo hamarkadan herrialdeak izango duen aurrerapen berriztagarriaren eta Espainiako natura-ondarearen kontserbazioaren arteko bateragarritasuna bermatzeko.