Nature aldizkarian argitaratutako ikerketa baten arabera, litekeena da baso helduek atmosferara giza jardueraren ondorioz isuritako CO2 gehigarria ezin xurgatzea. Ikerketan Teresa Gimenok, BC3 – Baque Centre for Climate Change zentroko ikertzaileak, parte hartu du. La Marea aldizkariaren gehigarri den Climaticak BC3ko ekofisiologoa elkarrizketatu du ikerketaren inguruan. Elkarrizketan zehar, Gimenok ikerketan lortutako emaitzek baso helduak aldaketa klimatikoa arintzeko giltzarri direla baina mugak dituztela adierazi du.