Unai Pascual, BC3ko ikertzailea, IPBESko txosteneko emaitzak aurkeztu ditu Eusko Legebiltzarrean


BC3ko ikertzailea den Unai Pascual, IPBESko, Ekosistemen Zerbitzuei eta Biodibertsitateari Buruzko Gobernu Arteko Plataformako, bioaniztasunaren inguruan egindako txostenaren gako nagusiak aurkeztu ditu. Maiatzaren 29an Parisen aurkeztutako txostenak, gizartean eta komunikabideetan inpaktu handia izan zuen. IPBESen Ebaluazio Orokorreko kudeaketa-batzordeko kide izan da Unai Pascual, eta txostenaren egile nagusietako bat ere bada; estatuko egile nagusi bakarra.

IPBES biodibertsitateari eta ekosistemen zerbitzuei buruzko gobernu arteko plataformaren arabera, gizateriaren historian inoiz ez bezala ari da andeatzen natura. Espezie-desagertzea azkartzen ari da, eta gizateriarentzat eragin kaltegarria du, gero eta nabariagoa. Txostenaren laburpena iragan astean onartu zen Parisen (apirilak 29 – maiatzak 4), IPBESen osoko bilkuraren zazpigarren saioan.

Legebiltzarreko aurkezpena ikusteko hurrengoko esteka erabili

50 herrialdetako 145 adituk osatu dute txostena, eta orekatua izan da natura-zientzien eta giza zientzien ordezkaritzaren aldetik. Gainera, dibertsitate biologikoari eta ekosistemen zerbitzuei buruzko gobernu arteko plataforma zientifiko arau-emaileko (IPBES) beste 250 aditu laguntzailek ere parte hartu dute. Dibertsitate biologikoari eta ekosistemen zerbitzuei buruzko mundu mailako ebaluazio hau oinarria izango da politika hobeak formulatzeko eta hurrengo hamarkadetan ekintza eraginkorragoak martxan jartzeko.

Hiru urtean egin da ebaluazioa, eta 2,4 milioi dolar estatubatuar baino gehiagoko kostua izan du. 15.000 ikerketa ditu oinarri, eta, besteak beste, gobernuek emandako informazioa eta lan zientifikoak jasotzen ditu. Mundu osoko komunitate indigenen eta tokiko komunitateen ezagutzak, arazoak eta lehentasunak sistematikoki aztertzen eta kontuan hartzen dituen mundu mailako lehen ebaluazioa ere bada.

IPBESko emaitzan aurkezpena

Utzi erantzuna

Zure e-posta helbidea ez da argitaratuko. Beharrezko eremuak * markatuta daude





Financiado por el Ministerio de Ciencia Innovación y Universidades y la Agencia Estatal de Investigación,
a través de la Convocatoria: Maria de Maeztu 2017 (BOE 21/10/2017) siendo la referencia de nuestro expediente: MDM-2017-0714

©2008 BC3 Basque Centre for Climate Change. Excelencia María de Maeztu.


We use cookies of our own and of third parties to improve our services and to be able to offer you, by means of web browsing analysis, the best options. If you continue browsing, we assume that you agree to their use. For further information, please click here.

ACEPTAR
Aviso de cookies