Klima-aldaketaren analisian dagoen ziurgabetasuna ulertzeko eta kudeatzeko gero eta premia handiagoari heltzeko ahaleginean, BC3ko ikerketa-talde batek gcamreport izeneko tresna berri bat garatu du.

The Journal of Open Source Software aldizkariaren azken alean argitaratuta, Clàudia Rodés-Bachs ikertzaileak gidatuta, Jon Sampedro, Russell Horowitz eta Dirk-Jan Van de Ven ikertzaileekin, azterlanak azaltzen du kode irekiko tresna horren garapena. Tresna hori berariaz diseinatuta dago aldaketa globaleko analisi-ereduaren (GCAM, ingelesezko siglengatik) emaitzak prozesatu eta estandarizatzeko, eta klima-politikek Klima Aldaketari buruzko Adituen Gobernu arteko Taldearen (IPCC, ingelesezko siglengatik) ebaluazio-txostenetan dituzten eraginak aztertzeko erabiltzen da.

“Gaur egungo ikerketa errazteaz gain, klima-aldaketaren analisian lankidetza eta aurrerapena sustatzea espero dugu. Tresna doan dago eskuragarri, kode irekikoa da, eta komunitate zientifikoa gonbidatzen du parte hartzera, laguntzera eta haren etengabeko garapenaz baliatzera “. Clàudia Rodés-Bachs, BC3ko ikertzailea.

Gcamreport tresna, UMD-CGS eta PNNLrekin elkarlanean garatua, funtsezko hainbat alderdiri erantzuteko sortu zen. Lehenik eta behin, premiazkoa da eredu anitzeko azterlanak egitea, klima-aldaketaren analisian dagoen ziurgabetasuna behar bezala ezaugarritzeko, ereduen heterogeneotasunari datxekion konplexutasuna kontuan hartuta. Bigarrenik, emaitzen erreproduzigarritasuna aztertzea, gardentasuna eta berrerabilgarritasuna handituz. Azkenik, emaitzak modu intuitiboan bistaratzen laguntzea, interfaze baten bidez. Hala, gcamreport tresna funtsezko irtenbidetzat har liteke GCAM ereduaren irteera-datuak prozesatzeko modu estandarizaturik ez dagoelako, analisi integratuko ereduen partzuergoko estandarren ildotik (IAMC, ingelesezko siglen arabera), eta horrek emaitzen ulergarritasuna eta elkarreragingarritasuna hobetzen laguntzen du.

“Gure taldeak lanean jarraituko du gcamreport bertsioen jarraipena egiten eta GCAM ekosistemaren barruan beste tresna batzuekin integratzen, epe luzera duten garrantzia eta erabilgarritasuna bermatzeko. ” Jon Sampedro, BC3ko ikertzailea.

Argitalpenera esteka honetan sar zaitezke: https://joss.theoj.org/papers/10.21105/joss.05975