BC3k nekazaritzako tokiko jasangarritasunaren zikloei buruzko proiektu berri batean parte hartzen du
BC3k FertiLab (PLEC2022-009252) proiektuan parte hartzen du. Hiru urteko proiektu europarra da, eta Bartzelonako Unibertsitate Autonomoaren (UAB) gidaritzapean dago. Horren helburua da nekazaritzaren iraunkortasuna hobetzea lurralde mailan, agroekologiaren printzipioetan oinarrituta.
FertiLabek nekazaritza intentsiboaren egungo egoera tokian tokiko estrategiekin aldatzea proposatzen du. Estrategia horietan mantenugaien zikloak ixten dira eta medeagarri organikoak erabiltzen dira ingurumen-inpaktu handiko produktu kimikoak ordezkatzeko, hala nola ongarri mineralak eta pestizida kimikoak.
“FertiLabek biogasaren ekoizpena aztertu nahi du digestio anaerobikoaren bidez; izan ere, bertan ekoiztu daiteke, hondakin organikoak tratatzeko, energia garbia sortzeko eta garapen jasangarria edo klimaren aldeko ekintza errazteko.” Agustin del Prado – Ikerbasque ikertzailea BC3n
Proiektu berritzaile horren barruan sartzen da, halaber, lortutako bioproduktuen erabilera eta aplikazio posiblearen ebaluazioa, oinarri biologikoko nekazaritza-osagai berriak merkaturatzea eta merkatuan onartzea sustatuz. Gainera, Living Lab kontzeptua aplikatzen du ongarritze jasangarriari ekiteko, hainbat eragileren parte-hartzearekin. Eragile horiek katalizatzaile gisa jardungo dute, plataforma ireki bat ezartzeko, eta, bertan, nekazaritzako proposamen berriei heldu ahal izango zaie, ikuspegi teknikotik, ingurumenetik eta ekonomikotik.
FertiLaben ibilbidea 2025eko azaroan amaituko da, eta Europar Batasuneko Next Generation funtsek finantzatzen da, Espainiako Gobernuaren Berreskurapen, Eraldaketa eta Erresilientzia Planaren barruan (Zientzia eta Berrikuntza Ministerioa). BC3 eta Bartzelonako Unibertsitate Autonomoaz (UAB) gain, proiektuaren buru konpostatze taldea (GICOM) izanik, partzuergoa bi unibertsitatek, ikerketa zentro batek eta industria bazkide batek osatzen dute: Universitat Politècnica de Catalunya – BarcelonaTech (UPC), Elxeko Miguel Hernández Unibertsitatea (UMH), Nekazaritzako Elikagaien Ikerketa eta Teknologia Institutua (IRTA) eta FACSA enpresa (Fomento Agrícola Castellonense, S.A.).