María José Sanz, BC3ko zuzendari zientifikoa, Zientzia, Teknologia eta Berrikuntzarako Euskal Aholkularitza Batzorde Zientifikoko kide izendatu dute


María José Sanz, BC3ko zuzendari zientifikoa, Zientzia, Teknologia eta Berrikuntzarako Euskal Kontseiluaren Aholkularitza Batzorde Zientifiko kide izendatu dute. BC3ko zuzendari zientifikoak arlo publiko eta akademikoko beste bederatzi espezialista nabarmenekin batera lan egingo du.

Iñigo Urkullu lehendakariak Aholkularitza Batzorde Zientifikoa aurkeztu zuen joan den asteartean, Zientzia, Teknologia eta Berrikuntzarako Euskal Kontseiluari ebidentzia zientifikoan oinarritutako ikerketan eta erabakiak hartzen laguntzeko. Komite izendatu berriaren agintaldia lau urtekoa izango da, eta epe hori amaitutakoan berritu ahal izango da.

“Lau urte hauetan zehar, zientzia, teknologia, ikerketa eta berrikuntzaren euskal sistema bultzatzen laguntzea espero dut, garai hauetan zientzia eta berrikuntza funtsezkoak izango baitira erronka konplexuei aurre egiteko.” (María José Sanz, zuzendari zientifikoa, BC3)

Aholkularitza Batzorde zientifikoko kide berriak:

  • Francisco Javier Aizpurua Iriazabal jauna, CSICeko ikerketa-irakaslea Física de Materiales Zentroan;
  • Ana Aranzabe García anderea; Teknikerreko zuzendariorde nagusia eta teknologiako zuzendaria;
  • Miren Nekane Balluerka Lasa anderea, Euskal Herriko Unibertsitateko Zientzien eta Portaeraren Metodologiako irakaslea;
  • Nuria Gisbert Trejo anderea, CIC EnergiGUNEko zuzendari orokorra;
  • Juan José Gómez Cadenas jauna, CSICeko ikerketa-irkaslea eta DIPCeko Ikerbasque irakaslea;
  • Iñigo Martínez de Marañón Ibabe jauna,  AZTI elikadura teknologiaren zuzendaria eta EHU/UPVko Elikadura eta Osasun Masterreko irakaslea;
  • María del Mar Mendibe Bilbao anderea, Biocruces Bizkaia institutuko zuzendari zientifikoa;
  • Oihana Otaegui Madurga anderea, Vicomtech-eko garraio eta segurtasun alorreko zuzendaria;
  • María José Sanz Sánchez anderea, BC3ko zuzendari zientifikoa;
  • María del Dulce Vallet Regi anderea, Madrilgo Unibertsitate Konplutentseko Farmazia Fakultateko Kimika Inorganiko eta Bioinorganikoko saileko zuzendaria.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude





María de Maeztu Excellence Unit 2023-2027 Ref. CEX2021-001201-M, funded by MCIN/AEI /10.13039/501100011033

©2008 BC3 Basque Centre for Climate Change.