December 20, 2018
Unai Pascual, BC3 Ikerbasque Ikertzailea, Etb1eko Ahoz Aho saioan izan da. Hilabete honetan Pascualek Ilaski Serranorekin ingurugiroko aktualitatezko gaiak jorratu ditu. Bereziki bi gai azpimarratu ditu ikertzaileak, Polonian gertatutako COP24a eta Brasilgo egoera politikoak klima aldaketan izango duen eragina.
January 10, 2019
Eñaut Izagirre, BC3ko ikertzaile gonbidatua Bizkaia Irratian izan da. Elkarrizketan zehar klima aldaketak glaziazioari ekarriko dizkion ondorioen inguruan aritu da. Horien artean, bereziki 2050erako Pirinioetako elurra erdira murriztuko dela jakinarazi du Izagirrek, baita ere, tenperaturen igoera dela eta munduko glaziar gehienak desagertuko direla, horien artean, Aneton, Posetsen, Madaletan, Vignemalen edo Picos de los Infiernosen daudenak.