Azken urteotan, gero eta ahalegin handiagoa egin da pobrezia energetikoaren aurrean kalteberak diren taldeak identifikatzeko. Hala ere, esparru akademikotik eta politikotik ez da behar beste nabarmendu pobrezia energetikoaren beste dimentsio bat, datozen urteetan funtsezkoa izango dena: garraio-pobrezia. Izan ere, mugikortasunarekin lotutako pobrezia gero eta garrantzitsuagoa da, egungo energia-krisian agerian geratu den bezala.
Funtsezkoa da garraio-egoera ahulean dauden erabiltzaileak identifikatzea, pobrezia mota horrek mugatu egin baitezake oinarrizko premietara iristea, hala nola hezkuntzara, lanera, osasunera edo gizartean bete-betean parte hartzera. Garraioan pobrezia arintzeko eta bidezko trantsizioa bermatzeko neurriak diseinatzeko, beharrezkoa da jakitea zein etxek duten aukera gehien garraiorako kalteberatasun-egoeretan erortzeko. (Eva Alonso-Epelde, BC3ko ikertzailea)
