2020an, COVID-19aren hedapenak eragindako krisi sozioekonomikoaren eta 2021eko gorakadaren ondorioz, berotegi-efektuko gas-isurien (BEG) beherakada historikoaren ondoren, zalantza ugari sortu dira, 2022ko susperraldi ekonomikoaren eta krisi energetikoaren testuinguruan isurketek aurreko urteko goranzko joerari jarraituko ote zioten ala, aitzitik, egonkortu egingo ote ziren. OTEAko BC3ko ikerketa-taldeak egindako azterlan honek galdera horri eta beste askori erantzun nahi die, 2022ko berotegi-efektuko gasen emisioak aldez aurretik kalkulatuz.

Emaitzek baieztatzen dute Espainiako emisioek bigarren urtez jarraian gora egingo dutela:

• OTEAren estimazioen arabera, 2022an emisioak % 3,6 inguru handituko lirateke 2021arekin alderatuta, 299 MtCO2-eq-eraino (293 MtCO2-eq-tik 305 MtCO2-eq-era).
• Aurtengo igoerarekin, emisioak 1990eko mailatik gora kokatuko lirateke berriro, zehazki, urte horretako emisioak % 3,4 gainditu zituzten. Ildo horretan, garrantzitsua da gogoraraztea PNIECek 2030ean emisioak % 23 murrizteko helburua ezartzen duela 1990eko mailekin alderatuta, eta, beraz, 8 urte geratzen zaizkigula emisioak 222 MtCO2-eq-eraino murrizteko.
• 2022ko lehen hilabeteetan (urtarrila-iraila), igorpenek nabarmen gaindituko zituzten 2021ekoak. Hala ere, urteko azken hilabeteetan joera hori alderantzizkoa da.

• Sektore elektrikoaren emisioek izan dute hazkunderik handiena aurten, batez ere lehortearen eta gasaren ziklo konbinatuen erabileraren gorakadaren ondorioz; beraz, koiunturazko igoera izan daiteke
•  Kezkagarriagoa da petroliotik eratorritakoen isurketen bilakaera (batez ere garraio-sektoreari lotutakoak), prezioen gorakada handia gorabehera, gorantz jarraitzen baitute.
• Gas naturalaren azken erabileratik datozen emisioen jaitsierak ez gaitu engainatu behar, jaitsiera hori gasaren prezioaren igoerarekin lotuta baitago, eta horrek eragina izango luke erabileran mendekotasun handiena duten sektoreen industria-jardueran.