BC3k María de Maeztu Bikaintasun akreditazioa jaso du bigarren aldiz


BC3 María de Maeztu Bikaintasun Unitate izendatu du Estatuko Ikerketa Agentziak, Zientzia eta Berrikuntza Ministerioari atxikitako erakundeak. Ikerketa zentroak bigarren aldiz lortu du aitorpena, 2018an jaso ondoren.

María de Maeztu akreditazioak bere ikerketa-esparruetan munduko onenen artean egoteagatik nabarmentzen diren unitateak eta ikerketa-zentroak aitortzen ditu.  María de Maeztu Bikaintasun Unitate gisa aitortua izateak bikaintasun zientifikoaren aitorpena dakar, eta urtean milioi erdi euroko zuzkidura jasotzea, 4 urteko epean.

Jasangarritasuna, puntako diziplina anitzeko ikerketaren bidez

Gure gizartea larrialdi klimatikoan murgilduta dago, hainbat diziplinatatik heldu behar den erronka, beharrezko ezagutza, metodologiak eta tresnak emateko, eta, aldi berean, gizarte bidezkoago batera eramango gaituzten erabakiak hartzeko, Garapen Jasangarriko Helburuak (GJH) bultzatuz.

María de Maeztu proiektuan, BC3k klima-aldaketaren ondorioz ingurumen-erronkei aurre egiteko zientzian oinarritutako irtenbideak bultzatzeko proiektu bat proposatzen du,  giza garapen iraunkorra eta naturarekiko errespetuzkoa sustatzeko ikuspegiarekin.

“Klima-aldaketa da inoiz gizateria gisa aurre egin behar izan diogun erronkarik garrantzitsuena. Horregatik, ezinbestekoa da premiazko neurriak hartzea, ezagutza zientifikoan oinarrituta“ adierazi du María José Sanz BC3ko zuzendari zientifikoak.

María de Maeztu Plan Estrategikoaren ezarpenak eragin handia izango du, halaber, zentroaren helburu zientifikoak Horizonte Europa programarekin lerrokatzen, elkarlaneko eta translazioko ikerketaren ikuspegia gehiago bultzatuz, nazioartekoagoa, generoaren aldetik orekatuagoa eta Ikerketa eta Berrikuntza Arduratsuaren printzipioekin are konprometituagoa. Gainera, prestakuntza zientifikoa eta ikerketa-karreren garapena bultzatuko ditu  etapa guztietan, diziplina anitzetik, bai eta barne-egiturak indartu ere, ezagutzaren eta teknologiaren transferentzia errazteko.

Bikaintasuneko zentroak eta unitateak

Guztira 9 unitate izan dira akreditatuak edizio honetan, Severo Ochoa akreditazioarekin beste 9 zentrorekin batera. Ospe handiko ikertzaileek osatutako nazioarteko batzorde zientifiko bat arduratu da ebaluazio- eta hautaketa-prozesuaz. Prozesu horrek zentro eta unitateen emaitza zientifikoak eta programa estrategikoak aztertu ditu, bikaintasunagatik gailentzen diren hautagai guztien artean nabarmentzeko.

Utzi erantzuna

Zure e-posta helbidea ez da argitaratuko.





María de Maeztu Excellence Unit 2023-2026 Ref. CEX2021-001201-M, funded by MCIN/AEI /10.13039/501100011033

©2008 BC3 Basque Centre for Climate Change.


We use cookies of our own and of third parties to improve our services and to be able to offer you, by means of web browsing analysis, the best options. If you continue browsing, we assume that you agree to their use. For further information, please click here.

ACEPTAR
Aviso de cookies