Lurreko landarediaren eta atmosferaren artean karbonoa eta ura trukatzea funtsezkoa da klima maila globalean erregulatzeko. Uraren erabileraren eraginkortasuna (WUE ingelesezko siglatatik) uraren eta karbonoaren lurreko zikloen arteko lotura deskribatzen duen ezaugarria da. WUE parametroa estimatzeko, hurbilketa esperimental edo metodologia desberdinak erabil daitezke, eta horietako bakoitzari espazio- eta denbora-eskala desberdina aplikatzen zaio. WUEren estimazioen arteko konparazioek desadostasun iturri garrantzitsuak erakusten dituzte, baina ez dira gai horien azpian dauden kausak argitzeko. Tesi honen helburua hurbilketa esperimental berri bat garatzea da, hainbat metodologia eta eskala espazialen WUE estimazioak adiskidetzeko bereziki azpimarratuz karbonoaren isotopo egonkorren analisiaren potentziala ebaluatuz landareko ehun desberdinetan neurtua. Proiektu honetan pagoa (Fagus sylvatica) erabiliko dugu espezie eredugarri gisa. Proiektuan, hurbilketa esperimentala eta landa-neurriak eta baldintza kontrolatuko esperimentuak konbinatuko ditugu, modelizazio-ariketa batekin. Landa-langak Iberiar penintsula osoko pagadietan laginak biltzea ekarriko du, baita Euskadiko pagadietan laginketa intentsiboak egitea ere.